CHE MBORAYHUJÁRAPE

PAOLA YRASEMA

Haihára Lic. Mirtha E. Careaga de Avila.

Ñandejára remimbou che Kunumi, Paola Yrasema ha’e che remiarirõ, mitãmi 

resa jajái iporãva mbyjáicha, hembe’i katu ojogua jasy ra’ýpe ha pe ipomimi

oipysóvo ojerurévo opa mba’e pe pukavýpe ohechauka mborayhu ikorasõ

mbytete guive.Peteĩ jey heta apañuái pa’ûme  ombou chupe Ñandejára che

rógape jopói ramo omoheñói haĝua mborayhu, vy’a, puka ha oñemboyke haĝua

pe mba’e ñembyasyete rohasa’akue upe jave.Paola héra ypykue  omomorã haĝua itaitachúpe  ha Yrasema ñande ypykue rérape y ha py’aguapy ñangarekoha.Ahenói chupe che, Payo, 

ndaikuaáigui mba’épa ajapóta chugui, añua, aisu’use, ajopy che rehe che remiarirõme ahayhueterei chupe.

Roiko chupe ĝuarante voi rohejáva roheja, ¡Ajepa...! Iporã che remiarirõ. Heta jey che reko ñembyasýrõ 

che mandu’a hese ha ohasa pya’e mba’e ñembyasy.¡Ñandejára!...Aguyje eme’ê haguére kóichagua jopói oréve 

tesãi oañua chupe ĝuarã, ikaru ha okakuaa pya’eterei

Oñepyrûma oñemomýi ha’eñomi oñeha’ã oguapy ha 

ohupíma hetyma mbyky mbyky ápe ha pegotyo, 

hasê’i, opuka,  oñeha’ã ohechauka hesãi ha 

imbareteha.Opoñýma katu.Itaita Felipe oñemokirirĩ 

amo korapy ruguápe, oiporavo poravóma katu yvyra 

apypytépe... ojapóma katu chupe imba’eguatarã.

Roma’ê, roñangareko, roñoipytyvõ oñondivepa hi’ã 

ningo araka’eve mba’eve ojehu chupe.

¡Opuka!...! ¡Osapukái!... ¡Isaraki!...! ¡Ndopytái...! 

¡Jupi!...ndaipóri  ha’éichagua.Aña ra’y’i katu okañy chugui.Péicha rohasa hendive, ou jepi opyta orendive 

ombohory ore rekove, ore mbopuka, ore myanyhê mborayhu ha kunu’ûgui.Ko’áĝa okarúma, toĩke 

oñeamidu’u arã, osêma chupe hãi peteĩ teĩ, oisu’u , oikytĩ ,oipyso tembe tyapúmante oñehendu, ndaipóri 

tembi’u ohejareíva akói ho’u ojáva hembére

Cháke...! ¡Cháke...! Payoma pe oúva ñasêke hapégui 

¡Opo!...Ojupi...Osãingo...Opyta...ho’áma katu, opu’ã jey.

¡Ajépa!...Isaraki che kunumi...Payo...Payo...Payo... ahenói 

chupe pya’e... pya’éma...katu ou. ¡Iporãite ningo che Kunumi!

Ára ha ára ningo ndachekane’õi añembosaraki haĝua hendive.

Che kerayvotýpe hese aipota oĩ porã ajerure ára ha ára, 

Ñandejára ra’ýpe hovasápe toreko ichupe.Hi’ã ani oikotevê ha 

oime ramo upéicha tosêkuaa apañuãigui py’a mbaretépe, teko 

porã ha py’aguapýpe.Hesãieterei ningo upéicha rupi okakuaa 

pya’eiterei ombotýma pa jasy.Iñe’êrendúma katu ehenóivo chupe opuka ha osapukái, ndopytái araka’e 

ohecháva omomýi oipyhýma katu. Ndaipóri tasê ojetyvyro, oguapy, oma’ê, oguata pya’e, pya’e ndopytái

Oñembo’y...oguata...oguata...oryrýi...opyta...oguata...oma’ê 

oguatáma katu ndopytái.Imbarete che remiarirõ isýpe 

ojogua...upéicha mante oñehendu ore pehêngue oĩva apytépe.

Mbyky, mbykypáma hese ijao, oñembo’y okakuaa, oguátama 

ningo.Ñasêke hapégui, oguata pya’e,pya’e itaita Felipe rendápe 

oho, itio paínope ohape joko ohupi chupe ijyva oipyhy ipo ha 

ojerure onohêmínte haĝua chupe.

Oñepyrûma ko’ãga oguata moõpa oĩ okañýma katu...

Jaha, jaháke he’i ohóoooooooooooma katu...

Paola Yrasema Ferreira Avila – pe ĝuarã.

Ñandejára Ra’y...!!! Aguyjetaite ndéve  ĝuarã...!!!

20 – jasyapýpe - 2013